Dienstag, 1. September 2015

ech be met em Papi ond em Mami onderwägs. mir gönd go luege obs no Schue hed. Es rägnet ab em Mettag. Ech schloofe endlech weder e mol am Nommitag. 

 

Mittwoch, 2. September 2015

Mer goend am Morge zäme zo de Waldspielgruppe. Ech ben en ganz en grosi ond gone elei am Tazelworm met de andere Chend i Wald. De Papi chond mi denn cho hole. Ech bruele nomme e chli woni de Papi gsehne. Vorhär hani normal gspelt. Ech be dräckig gse. Defoer darf i am Nommitag no es Glacé go ässe, dass ech das so guet gmacht ha. Denn chond no em Mami sini Zia verbi.

 

Samstag, 5. September 2015

Ech gone met em Papi am Morge go schwemme. Denn beni mued ond schlofe e chli deheime. Am Obig goemmer noch of Aemme. Det verabschiedid mer d'Masuccis, wo morn weder flüegid. Ech ha no Gschänkli gmacht. Sie hend glaub freud gha dra.

Es Foto vo allen vor em Abflug noch Amerika.