i de Nacht hets fescht grägnet. Dank de neue fenschter em Hotel hemmer au ned ghort, dass es fescht donneret het. Es het denn de ganz Tag grägnet. So semmer of Rimini in es Ichaufszenter gfahre. Smami het choene italienische Produkt chaufe, wo sie set ehrere Chendheit noemme gha het. Ech ha es blaus Gelato uebercho. Leider esch am Obig denn in Lido di Classe de Trenino noemme gfahre.

Es esch emmer no bedeckt. De Papi chond met mehr aber i Pool uf em Dach vom Hotel. Mer choend aber nomme oeppe 10 Minute det si. Es esch eifach z'chalt. Am Nommitag goemer denn no e chli go laufe wie au gäge Mettag. Mer choend noemme as Meer sitze. Es stoermt eifach zfescht. Em Hotel darf ech aber met de andere Chend Piadina bache. Ech be met Hut ond Hoore met de bi.

Bem Bache beni guet gseh.

Bella Italia!!!

Mer muend hoet weder hei go. Mer pakid ond goend no chorz em Mare go tschau säge. Leider esch s'Wätter emmer no schlächt. Mer fahrid mit viele Onderbrüch denn hei ond ech darf en Bellinzona no chorz of de Raststätte au go spiele. Deheime kontrollier ech, ob no alles so esch, wie wo ni gange be.

Mer goend hoet of Engelberg. Det nemme mer s'Bähndli of s'Brunni. Dobe darf ech of em spielplatz spiele. Denn oeberwindet sech s'Mami ond chond ofs Sässelbähndli. Au ech darf s'erscht mol met eme sässeli go fahre. Dobe esse mer Cervelat ond Brotwoerscht. Ech schlofe im Chenderwage bem abe laufe. Donde treffi denn no de Globi of de Sommerrodelbahn. De hani müsse es foti ha.   

Ech darf hoet obig noch a d'Chelbe go. Det fahri met em Tschu-Tschu ond denn esi en ganzi Brotworscht. Ech mache denn de neu Spelplatz onsicher. Ech chome au vom Ritiseili eis a chopf. Ha halt ned woelle loese. Ond jo, am Morge beni au no chorz a de Chenderchleiderboerse gseh.

Mer fahrid am Morge scho ab ond goend of Dallewil, denn met ehere Bahn ofs Wirzweli. Ech gshe s'Gotti of de Bahn (Es Bild vome ne Häxli). Dobe hets en grosse Spelplatz. D'Nonna esch au met cho ond ech gniesse das of dem grosse Häxespielplatz. Es het Sache zom jongliere, es het es Labyrint, es het en Tannzapfebahn. Denn hets no en Streichelzoo ond no en grossi Sommerrodelbahn.

De Papi macht es Führ ond denn esid mer zäme. Foer d'Nonna het er no extra es Steak gmacht. Ech ha en Brotworst ond Pastasalat gha. Denn hani em Papi sis Blötterliwasser wägtrunke. Nochem Mittag beni denn noch langem em Chenderwage igschlofe. De Papi het mi no e chli gha vorhär. Wo ni weder wach ben hemmer zerscht woelle go Ponyrite. Doch denn hani glich ned troued. Denn he de Papi mech metgno of die Sommerrodelbahn. Ech ha kein Angst gha. Drom hani em Papi gseid, dass mer schneller setid fahre. Ech ha denn no es 2. Mol doerfe fahre. Devo hani mi denn bemene Glacé muesse erhole. Denn hemmer d'Nonna no hei brocht. Ech ha das gnosse.