Hoet het de Papi frei (Leodegar in Lozärn). So goend mer zäme of es reisli. Mer goend is Wirzweli. Bem Zulaufe zo de Bahn gsehni es grosses Häxli a de Wand. Ech erkenne das grad as mis Gotti. (Sorry Gotti) Mehr goend ufe ond det warte mer, bes d'Rodelbahn frei wird. Denn darf ech met em Papi 5 x abefahre. Jedes Mol e chli schneller. Denn chond scho de Näbel weder ufe. Mer machid es führli ond denn broetle mer no e Bratworscht ond 2 Cervelats. Die ässe mer zäme. Ech darf of em Spelplatz ome spiele. Ech jongliere scho guet. Am 1 goemmer denn hei. Ech schloofe em Auto i ond schlofe denn bis deheime. Nochäne goemer no zäme go ichaufe. 

Hoet goemmer am Morge no go ichaufe met em Mami. Ech bruche no es paar Sache. Am Nommitag nochem Schloofe darf i s'Mami ond de Papi begleite. Mehr fahrid nach Alpnachstad. Det nemme mer s'Bähndli of de Pilatus.

Ech darf hoet em Pilatus obe schlofe met em Mami ond em Papi. Mer goend dobe no ueberall go abeluege. Es het dunde Näbel. Mehr hend es schöns Zemmer wo mer guet cha useluge. Zerst gets no es Apéro met Chipsli ond Chäsli. Denn gehts es Aesse. das got lang ond esch eme ne alte Saal. Ech chome aber Chicken Nuggets ond Pommes oeber. Denn bringt mer d'Frau au no es Gelato. Denn goni aber no ned is Bett. Ech muess dosse de Mond ond d'Stärndli go aluege. De Papi macht es paar Fotene ond ech muess denn au Fotene mache. Ech uebernimme de Färnusloeser. Denn erkläri em Mami no alli Stärndli wo ni gsene. De Stella Stern esch aber im Momänt ned am Himmel. De isch go ichaufe.

Bleck vom Pilatus noch Horw ond Lozärn. Obe no d'Plejade ond d'Capella em Fuhrmann. Vo hende luechted no de Mond ond macht d'Omgäbig hell.

Denn oeppis z'Trenke oeber ond schloofe mued i. Ech ha es eignis Bettli gha, doch i de Nacht beni denn zom Papi gange.

Ech verwache am Morge ond gsene dosse de Sonneufgang. De Papi zeigt mehr, wie die Sonne ufgoht. Denn goni go dusche. Bem Zmorge hani ganz vel Fleischli ond Käesli gässe. Denn hed mi de Papi no of de Scholtere of de Esel ufetreiht. S'Mami esch noche cho. det hani denn Caci macht.

Am Obig semmer denn no met allne zäme in Krüzberg go aesse. Ech ha Rahmschnitzeli ond Pommes gha. Met de naomi hani gärn zäme gässe. De Nonno het noch eme drittel vom Cordonbleu ufgä.

hoet hemmer no mis Täfeliässe. De Nick chon zo mer of Bsuech. Mer händs loschtig zäme em Hüttli osse.