Ech darf hoet no of ene Reis go. Mer schlofid e chli am Morge. S'Mami muess noemme ge schaffe. So choen mer met em Grosi zäme is Wallis fahre. Mer fahrid doer mänge Tunnel ond choend no oebere Grimsel fahre. Det hes no e chli Schnee gha ond ech ha da welle allänge. S'Grosi esch be mer hende gsässe. denn hani woelle tamtam Musig ha. Das esch Fluch der Karibik. So hemmer s'ganze Goms ab das muesse lose. De Grosspapi hed scho of ues gwartet em Feriehus. D'sTäge esch scho e chli gmacht gse. mer hend denn zäme Plätzli ond Teigware gässe ond denn hani no doerfe spele. Ech ha en grosse Legotorm bauet. S'Grosi hed no gfueret ond denn hani em Reisebettli gschlofe.

Ech stone so gege die 7i uf. Es rägnet dosse. S'Mami macht mer Melch ond ech trenk die bem Papi em Bett. S'Grosi ond de Grosspapi choemid au uf ond mer issid denn zäme zmorge. Ech darf Yoghurt ässe. Ond ech darf Kaffi mache. Es gfallt mer so. Denn goend de Papi ond de Grosspapi veruse go Stäge mache. Es rägnet. Mer goend metenand of Brig abe go lädele. Mer goend ine ombouti Migros. Wo mer denn hei cho send, hemmer scho choenne fascht oeber d'stäge laufe. D'sonne esch au voere cho. Ech go denn am Nommitag go hälfe baue. Ech darf denn au die erschti si, wo über die neui Stäge lauft. Ech helfe au Split ond Schotter ineztue. S'Grosi fahrt mech met em Sackcharre omenand. Nome schloofe wot i ned. So god s'Grosi met mer go schloofe. Am Obig goemmer no go aesse is Commerce of Brig. Det hets schoeni Feschli emene Aquarium.

Mer zmoegelid zäme ond denn fahred mer scho frueh ufe of Oberwald. Det chani oef de Autoverlad go. De Papi erlaubt mer em Tunnel be em devorne zsi. Nochäne schneielets liecht en Realp. Mer fahrid no id Autoraststätte ond ech chome no es Wienerli oeber. Deheime Schlofi i ond warte denn, bes au s'Grosi ond de Grosspapi hei cho sind.

Gäge obig gommer go ichaufe. De Papi chond met. Ech laufe jetzt doere Pili ond träge d'Sache i Charre. Ech rede hoet scho vom Gebortstag vo de Zia Beppa. Ech säge scho Tanti Augri vo mehr us.

Ech gone het of Aemme go aesse. de Stanley hed Gebortstag. Mer fiirid med em. Ech wot det aber fascht ned schloofe. De Papi muess zo mer liige. Mer gompid omenand. Am Obig darf ech no go bade.

Am Obig choemid huet alli zom Grosi go Wildässe. Ech cha jetzt au met em Nick, em Timo ond em Livio spele ond omegompe. Mer gfallt das weni das cha mache.

ech cha so schinheilig tue ond has ganz deck hender de Ohre.

Ech ha denn no läng doerfe ufbliibe ond au de schoppe det trinke.

Mer moechig hoet scho d'Wihnachtsbelüchtig uefe. De Papi doesse met em Grosspapi ond nochäne no denne. Ech vergible fascht, wenn ech die viele Liechtli gsehne. Au die beide Tierli wo Mussig möchid send weder do. Ech muess de emmer und emmer weder go alo. (De Nick hed denn Angst vor dene, ech ned. Zom Alo haui eifach of de Samichlaus. De spelt er.

Ech ha scho vel Plüschtierli zo mer gno. Allne en schoeni Adventsziit.

S'Mami ond de Papi send chrank ond ech be bem Grosi. Mer gfallt das bem grosi. Det gets au oeppe mol no es Gelato nochem aesse. Gliich au be de Nonna. Am Obig hani bem Ischloofe en Stärn gseh. De Papi hed mer gseid, dass das de Jupiter esch. Ech erkenne dä jetzt sälber. Hanen grad au em Mami muesse zeige.

De Papi esch hoet de heime. Leider esch sin Komet explodiert wo ner hed welle Luege. So semer go ichaufe. Ech ha ganz Schwerig to. Ech ha au erscht am 2 welle schloofe. De Papi esch denn go Teleskopsuele betoiniere. Nochäne semmer no zom Doktor gange. Ech cha vellecht vor guet 2 Woche es Chogeli abgeschlockt. De Doktor hed aber nüd gmerkt. Am Obig hani no zom Grosi doerfe.