Hoet goni met em Papi ond Mami zom erschte Mol zom Babyschwemme. Mer goend i d Rodtegg. Det hets scho es paar Chend gah. Ech ha ned woelle warte ond be scho mol a Rand vom Schwemmbecki krablet. Denn hani doerfe 30 Minute det met em Papi omebädle. Nochäne hemmer direkt s'Pischi agleiht ond em Auto hani mi Schoppe oebercho. Ech ben denn sofort igschloofe.

Ech säge hoet zom erschte Mol zom Papi ade wo äer an Match got. Denn goni met em Nick go spiele wo bem Grosi üebernachtet. Ech ha zmettag Ghackets met Hoerndli gha. Ech ha denn met Papi no lang of Trab ghalte bes i igschloofe be. I dere Zyt esch denn no Bsuech cho. D'Revision vo de AGL met de Anita ond em Heiri. Ech ha denn natürlich die au muesse go aluege.

Ech be jetzt 9.3 Kilogramm schwär ond be jetzt 2 cm gwachse. Ech be jetzt 74 cm ond fascht scho halb so gross wie mis Mami. Ech bechome jetzt mit 8. Zahn ond drom schlofi em Momänt sehr schlächt, das muend mini Eltere gspoere.

Ech ha set gester Fieber. Ech muess Medikament nä. Ech ha bes 39.8 Grad Fieber gha. Mit de Medis hani aber trotzdem gspielt. Ech glaub s'3 Tagesfieber. Am Samstig esch no d'Naomi mech cho bsueche. Am Sonntig semmer met de Grosseltere go aesse is Fälmis. Ech be zwar mued gseh, doch ech ha alli muesse onderhalte.

ech han es Röckli a, doch demet chamer schlächt omechrabble.

Am Nommitag hani fascht 2 Stond em Chenderwage enne gschloofe. Ech esse em Momänt ned vel. Au wäg de Zahnschmärze wo ni ha. 3 Zähndli choemid metenand.

Ech verbrenge de Tag met em Grosi. Mer spielid vel ond sie zeigt me d'Hühndli be de Nochbere. Ech mache emmer "gagagegag" ond zeige of die. Au plöderli jetzt plötzlech me omenand. Ech säge Ma ond Pa ond weiss was i demit meine.

Am Obig gseni bem schoppe trinke no de neui Papst em Färnseh. S'hed vel Luet gha wo gwonket hend.

Met em Papi ond em Mami goni go bädele. Vorher fahrt de Papi no gschwend met ues id Oberrüti. Er wot de Komet aluege, doch er gsed en ned. Zhöche Horizont oder wie das heisst. Defoer beni den bem Schwimme rächt aktiv gseh. Ech ha doerfe enere schwimmhelf sälber omeplansche. Das hed Spass gmacht. Denn hani no de Schoppe gno ond be mued igschloofe bem heifahre.

ech gniesse jetzt so rechtig min Fenger em Muel enne. Das helft, wenn d'Zähndli we moechid.

Mer goend go ichaufe wo ni s'Heidi gseh ha. Si hed mech fescht begrüuesst. Am Mittag hani Ghackets met Hoerndli gha. Denn esch de Papi met mehr go laufe. Ech ha denn scho gli gschloofe. Er hed no Sache choenne mache em Käller. Ech ha dosse gschloofe. Ech be jetzt au mued gse. Ech muess jo jetzt scho es paar Schrittli laufe. Es schwankt no sehr, doch es got vo Tag zo Tag besser. Ech be auch jetzt en rechtigs chlises Meiteli wo gärn tued schmüüsle.

ech lache met em Goetti zäme.

Nochäne semmer no zom Goetti gange. D'Nadine hed für us choched. Ech ha au doerfe Risotto ässe. Ond denn hani no Schoggichueche gässe. Mhh, das esch fein gseh. Met de Melissa ond em Nick beni denn ometobet. Ech be die letzti gsi, wo esch go schloofe. Ech be denn au erscht am 10i deheime gseh.

Ech go met em Mami i Länderpark. Det ess ich alles, wo ni nueme cha. Ech ha umeglueget ond alli aglachet ond ha denn no pancrock, Riiswaffle gässe. denn hed s'Mami no muesse es Brötli go chaufe well ech Honger gha ha. Ech begruesse jetzt emmer de Papi wenn er hei chond. Ech luege scho vom Setz use i Garte ond luege au die Bibi a wo be de Ursi ond em Patrick send. Ech säge gagage gag.

ond oebrigens. wenn i oeppis wot: maaaah, oder paaah.

Ech verbrenge de Tag met em Grosi. Ech esse no e chli met ene. Es git Roesti. Am Nomitag goni s'Urgrosi go bsueche ond gebere denn es Küssli. Sie freut sech. Met em Papi ond em Mami essi no e chli. Denn goemmer chorz no zom Altersheim, well de Papi det en Komet wo aluege. Ech luege de Mond a ond die viele Liechtli, wos z Horw onde get.

En Foti vom Papi. Ganz osse es ch de Komet Panstarrs. Ech gsene ned vel.

Am Obig goni go bade mit em Papi im Babyschwemme. Ech wot fescht omeplantsche. Denn gsen i au no de Nick dete. Er ond d'Martina send vor mer dra. Ech wot jetzt au ist Bad ine. Es gfallt mer guet. Ech esse denn no en Schoppe ond schloofe wieder i bem heifahre.

Noch em Ichaufe am Morge beni bem Grosi gseh, well mini Eltere a e Vorstandssetzig hend muesse. Wo sie hei cho send beni verwachet ond mer send no chorz of Horw. Ech ha jetzt mis erscht Paar Schue oebercho. Ech be ganz Stolz dor de Lade glofe. Alli hend mech aglueget.

Mer choemid am Morge Bsuech oeber vo de Naomi ond ehrere Familie. Ech ha vorhär scho de Tesch gseh met vel Sache zom Aesse. Ha mech scho woelle of das Stoerze bevor sie cho send. Ech esse denn Broetli, Rührei, Yoghurt ond no veles me. Denn chani mit de Naomi spiele. Mer goend go Laufe ond of em Spelplatz darf ech ritiseile. Ech gebe sälber a. Denn darf i s erschte Mol of e Rutschbahn. Ech fuettere denn no d'Häsli. Wieder deheime hani denn no d'Naomi ganz fescht verschreckt woni mis Fläschli of de Tesch ghaue ha ond das denn a ehrre Teller gange esch. Sorry Naomi, dass verschreckt besch.

Am Obig hani em Grosi no zeigt, dass ech jetzt 4-5 Schrittli mache cha. Ond denn beni no go  bade ond ha s'Halbe Bad met em sprüetze onder Wasser gsetzt.

Ech mache nome Seich. Ech ha s'Telefon kapott gmacht. Denn gester der Foehn vom Mami. Denn hani im Pili Alleinunterhalterin gspellt. Ech versueche jetzt emmer omezlaufe. 4-5 Schrittli ond denn werd de oeberkörper schneller als Bei. Au hani hoet ned woelle schloofe ond drom s'Mami i Arm bisse.

Mer goend am Nomitag of Lozärn. Es schneit weder e mol. Em Naturmusuem esch en ganze Park vo Chenderwäge det. Alli wend we ech go die chline Bibeli aluege. Ech luege zue, doch es esch mer zwarm ond mer goend no anderi Tierli go aluege. Denn hani Honger ond mer essid mis Zvieri dete. Ech schlofe bem heifahre i. Am Obig mache mer no Raclette. De Papi ged mer ganz wenig zom Probiere.

Am Morge goemer go ichaufe. Ech ha Zahnschmärze. So essi zerscht alles Pancrock wo ni ha. Denn muess de Papi neus chaufe. Ech wot kei Riiswaffle ässe. Ech schloofe denn e chli em Chenderwage enne. Denn trifft s'Mami no s'Zempe. Ech bechome denn min erschte rechtige Kuss vom

Am Nomitag chond d'Naomi verbi. Sie spelt met mer ond blibt mit de Rebi bes zom Znacht. Es geht denn Wienerli.

De Oschterhas esch of Bsuech cho.

ech freue mech of de Osterhaas. au wenss dusse schneit.

ech ha es Näschtli gfonde. De Osterhas hed mer Schoggi brocht ond Lego zom Boue ond omezieh.

Mer essid denn zäme e chli zmorge. Ech schlofe erscht gäge die elfi i, so dass mer erscht spoeter zo de Nonna go choend. Det chocht de Papi nos Fleisch für alli. Ech darf au e chli probiere. Mer gfallt das, wenns so vel Luet ome hed. Mer spielid ond denn goni no e chli go schloofe. Nochäne darf ech weder spele. Ech chome au no e chli Glacé oeber.

ech laufe scho e lei omenand. Ond debi muess i no oeppis i de Händ ha. De Papi hed jo scho lang gseit, dass ech a Oschtere omelaufe tue.