Hoet chond gäge Obig mis Gotti of Bsuech. Ech warte scho lang druf ehre mis neue Bett z'zeige. Ech be scho en grosi. Wos Gotti chond muess sie noch be mer cho ichaufe. Denn spielt sie met mehr. Me essid denn doesse Fleisch vom Grill. Ech darf denn met allne no dusse tschuute. de Massimo esch de Balljonge ond ech be de Schiedsrichter, spele aber auch met. De Papi macht no es chlises Fürwerkli. Denn gets no Glacé. S'Goti liest mer Gschechli vor ond ech schlofe erscht noch de zähni i. Sesch warm dosse ond s'Gotti onds Mami diskutierid no bes am Eis of de Terrasse.

Mer goend hoet go schifffahre. Ech wott hoet e Cervelats aesse. Mehr goend met em Scheff Waldstätter vo Lozärn of Alpnachstad ond weder zrogg. Es esch warm gseh. Ech ha gseh, wie d'Bähnli of de Pilatus gfahre send. Ech be denn go Glacé aesse bem Dieci en Lozärn.

Nochäne hani no deheime met em Papi bädelet. Ech ha es neus bassin deheme becho. Mer send denn no go heuberiaesse ond Himberi. De hets no en Brotworscht vom Grill gä.

Ech be denn igschloofe. S'Mami ond de Papi hend noch EM-Final glueged.

De Papi hed Gebortstag. Ech mache em Mailänderli. Ech verstecke em ganze Huus Gschänkli. (Cola Böchsli ond Zweifel Chipsli) Ech ha freud, dass ech em Papi en Freud cha mache.

Mer fahrid am Morge früh noch Italie. Ech schloofe ned ond luege use, wies hell werd. Im Verlauf vom Morge choemid mer gut vora. Denn hemmer i de noechi vo Parma no halt gmacht. Ech ha denn Sandwich gässe. Ech hab mech aber versicheret, dass mer vor de 1 det send. de choemmer nämlich grad no go aesse em Hotel. Mer werdid härzlech begrüesst. Mer goend am nommitag scho as Meer. Am Obig beni mued ond schloffe scho gli i. Ech ha mis eigene Bett. Au de Spielsalon esch no do. Ech cha mini Gettoni det go hole.

Mer verbringid üse Tag im Bagno2000. Ech darf is Meer go bädele. Met em Papi mach ech Sandborge. Am Obig goemmer a Flohmärt wo d'chend ihri Spielsache verkaufid. Denn darf ech no as Karusell. Ech go denn no a de Babydance.

Dienstag, 19. Juli 2016

Met em Mami ond em Papi goemer am Obig in Zirkus wo verusse es. Es esch de Orso ond Masha. Die Jonglierid det au met Täller. Mehr gfallts do. Ech esse jede Tag Gelato.

De Papi esch weder langsam gsond. Mehr spielid zäme em Meer met minere neue Freundin, de Scheldchrote.

Mer goend hoet zäme is Mirabilandia. Das esch en grosse Vergnügigspark i de Nöchi. Ech darf met em Pap uf 4 Achtibahne go fahre. Mer fahrid au met ehre Wasserrötschbahn. Merh gfallt das do. Am Obig goni no i Usgang met de Eltere.

Es gwettered am Morge. So goemmer i Safaripark of Ravenna. Det gsehni Loeie, Tiger, Elefanten, Zebras dosse i de Natur. Es hed au es grossi Spielwiese det zom Spele. Mehr gfallt das. mehr goend no chorz a Strand om alles zämezpacke.

es goed weder zruegg of Horw. Am Morge chond d'sonne weder fuere.

Mer fahrid denn ohni Problem bis id Schwiiz zrogg. Wägeme schwäre Onfall am Gotthard esch Stross gsperrt ond mehr mued jetzt ueber de Lukmanier ond de Oberalppass fahre.

Am Obig gäge die 9 i choemed mehr weder hei. Ech begruesse mini spielsache ond mini Bäbi. Denn goni go schlofe.

Mehr choemid hoet Bsuech oeber vo de Naomi ond de Serena. Sie essid met ues ond mer goend morn zäme of d'Rigi.