Es isch hoet ganz heiss ond de Papi hed sini Prüfige. Arme Papi. Drom heder au ned choene schriibe in letzter Ziit. Er chond am Drü hei ond denn chond er met mer is Pool. Mer blibed über en stond drin. Es esch fascht 34 Grad. Am Obig darfi met em Grosi aesse. S'Mami ond de Papi goend go aesse zäme.

Hoet het de Papi Gebortstag. Am Morge choemid S'Bühlmess of Bsuech go brönche. Ech pflüecke vorhär vel Beri im Garte. Denn darf i met de Sara ond em Yanick go spele em Garte. Mer machid versteckis. Noch em Mettag chond d'naomi of Bsuech ond me spelid no dosse. Denn esse mer met em Grosi zäme znacht (Tischgrill met Woerschtli ond vel Fleich)