Am Morge god s'Mami of Stansstad go Hor schniide. De Papi ond ech goend noch zäme in Bau und Hobby ond denn goemer au of Stansstad. Ech darf au zom erschte Mol e chli Hoerli schniide. Ech bechome denn ganz viel loeckli, wo sich jetzt bildet.

Gäge obig goemer noch go d'Gebortstafele vo de Serena Montiere. Ech helfe au debi, nochäne goemer i's Enzian zhorb go aesse. Es esch schoen ond mer choend dosse äesse. Ech esse Pizza vom Mami ond vom Papi. Mini Pasta essi ned so gärn.

Hoet het de Papi Gebortstag. Ech senge em Happy Birthday, aber emmer de, wenner ned ome esch. Er macht met em Grosspapi no es Moggegiter äne ond macht no de Stäg fertig. Mer goend denn am Obig noch go ässe. Mer goend ist Aubergine in Horw. Ech esse det en ganze Täller pasta ond den no Fleischli vom Mami ond vom Papi. S'Mami muess nochäne no zom Doktor. Ech luege gärn use ond gniesse Bletz und Donner.  

Ech darf hoet zom erschte Mol of de Terrasse met em Velo omefahre. De Papi muess no e chli hälfe, doch denn werdi danz schnell. Ech ha glaub usegfunde, wie mer do muess fahre.

Ech cha jetzt scho e lei Velofahre. Ech bruche doruf no e chli Helf.

Hoet beni bem Grosi. Ech gniesse das ond rede vel ofs Grosi i. Denn chonds ganz fescht cho rägne. Es esch alles dosse ganz fescht nass worde. Vorher esch no en Laschtwage cho ond hed mer Pellets brocht, dass i im Winter ned früüre muess.

Samstag, 19. Juli 2014

De Papi ond ech goend id Landi zhorw. Mer chaufid e chli Füürwerk, wells kei Setzlig me gha hed. Nochäne goemer no zäme in Jumbo go en Chiste foerd Terasse hole. De Papi choched denn foer mech ond ech schloofe scho gli i. s'mami esch füer sich go ichaufe gseh. Sie wott mech ufnäh, doch ech wot wiiterschloofe. Nochäne goni met em Papi i Garte ond esse mini erschti Beere vom Baum. Ech go au id Bromberi, id Himberi ond gfende au no es paar Aerdbeerli. Ech darf no e chli bädele dosse. Es esch heiss  ond so gots guet. Mer essid denn no of de Terrasse z'Nacht. Ech en Meischolbe ond en "Hamborgerli". Am Obig verzell ech jetzt em Mami ond em Papi en Gschicht. Debi tueni jetzt emmer au Schissele. Das machi jetzt emmer weder.

Ech be hoet de ganz Tag immer wieder ofs Häfi gange ond ha de ganz Tag kein Windle bruucht. Be met em Grosi emmer weder ofs häfi. Einisch beni verschrocke. Denn hani ned numme bisi gmacht, sondern es esch au grad e chli Gagghi is WC gange. Ech ha also s'erschte Mol Gagi of em WC gmacht.

Ech hoelfe em Grosi duse met Beere ufläse ond denn goemer no zo de Martina go luefte. D'Nonna esch halt ned do well si z Italie esch, so beni bem Grosi. Ech setzte am Obig zom Aesse of de Terrasse. Mer gfalt das, weni jetzt det osse cha  omeluege.

Ech gompe hoet elei of de Polstergroppe omenand. De Papi verwoetsch mech met eme Fotiapparat. Ech hange jetzt i de Loft.

Zom Gloeck gseht das s'Mami ned, wie viel Staub ech ufwirble tue.