Ech schlofe fascht bis am 8i am Morge. Denn wot i Melch ond denn heissts: Papi spele, chom.

Mer luegid de spötischti Sonneufgang a. Gäge Mittag tueni denn em Grosi ond em Grosspapi no es guets neus woensche. Nochem schlofe fahr ech met em Papi i Sternwarte. Det esch en Apéro. Es hed vel Fernrohr do. Ech luege dor de grossi Feldstächer ond gsene es Bähnli, denn gsehni no de Mond. (De Papi seid, dass das ned de Mond, sondern d'Venus esch wo wie de Mond usgseht.

Deheime goemmer no go Raclette aesse. S'Mami hed das vorbereitet.

denn noetzi jetzt em Mami sin Tablet us. Ech weiss wie mer de cha Mini luege.

Mer zmoergelet zäme. Am Nomitag darf ech bem Grosi bliibe, de Papi ond s'Mami goend foer mech go ichaufe.

Gäge Obig choemid s'Grosi ond de Grosspapi no mis Bäumli go aluege. Ehas Bäumli gärn.

Ech be hoet 2. Ech ha Gebortstag. Mer goend zäme go Käfele ond ech darf es Broetli aesse. Denn goemer no id Migros ond vo det no oeppis im Schuhlade go chaufe. Ech chome Schueli oeber wo luechtid. Die send cool.

Am Nomittag darf ech denn es Gschänkli ufmache. Ech chome es Puppehuus oeber. S'Mami wet met mer go Glacé aesse, doch ech wot ned. Ech muess jetzt das Puepehuus zämeboue. Denn luetet no d'Naomi a und sengt tanti aguri. Ech senge das mer auch sälber. Ech be aber scho e chli truurig. Mis Bäumli esch go schloofe ond esch noemme omme.

Hoet esch mini Gebortstagsparty. Ab de 4i choemid se mech cho bsueche. S'Mami ond de Papi hend vel vorbereitet. Ech esse met de Naomi Feschli ond gniess es. Ech be em Mettelponkt. das gfallt mer. s'geht no ganz vel Gschänkli. Ech darf die ufmache ond usprobiere. Denn gehts no en grosse Chueche. S'Gotti het da extra foer mech gmacht. De Papi zuendet denn am Obig be starchem Wend no en Vulkan a. Das esch cool gseh.

De Chueche vom Gotti fuer mech. Ech ha denn ganz vel Schoggichueche sälber gässe. Mhh esch das fein.

De Papi hed hoet no frei foer mech. Mer goend of de Sonnebärg of de Spelplatz. Ech muess alles usprobiere. Denn goemmer no bem heifahre go en drü Chönigschueche go hole. Am Nommitag chond chorz no d'Nonna of Bsuech well s'Mam ond de Papi no en Termin hend. Am Obig esse mer denn zäme no de Chueche. S'Mami werd choenig, doch ech chome d'Chrone ueber.

De Papi onds Mami choen met mehr fort. Me fahrid vo Sarnen. Det hetds vel Tierli am See ond en grosse Spelplatz met vel Sand. Ech be de Captian Jack "Stella" Sparrow. Mued semmer denn heigange ond hend no gspellt am Nomittag ond badet am obig.

Mer goend hoe no de Markus ond d'Sonja Amrein go bsueche. S'Grosi ond de Grosspapi choemed au met. Sie hend foer mech vel Spelsache aene to. Ond sie hend mer Pasta ond Fleisch gmacht. Das hed mer Gfalle. De Markus hed mer denn no es video aglo. E de Laura ehre Stärn. Also es Stärnli foer de Stärn.