Samstag, 2. Februar 2013

Ech be am Nommitag serscht Mol i de Stadt em Mövepick. Ech darf e chli mole. S'Mami ond de Papi essid aber Glacé. Ech ha nome Riiswaffle ond e chli Rahm oebercho. Das esch doch gemein. Es hed wieder e chli gschneit. Mer send denn hei ond hend de Obig no met aesse verbrocht.

 

Samstag, 9. Februar 2013

Hoet goemmer go ichaufe. Ech schloofe em Chenderwage ond wot denn nochäne aesse. Ech esse es Teili voneme Gepfeli. Denn am Mettag esi met bem Risotto vom Mami. Sie chond nued oeber. Ech esse alles. Met em Grosi darf i no e chli go laufe. Denn am Obig choeme mer Bsuech oeber. D'Sonja ond de Markus Amrein choemid uf Bsuech. Ech bechome es Holzpuzzle. Ech be schnell met dem uspacke. Met de Sonja machi Wettrenne em Chrable dor d'wohnig duere. Ech schlofe no bem Schoppe i ond be toodmued.

 

Sonntag, 10. Februar 2013

Ech trenke zerscht Melch, denn essi no met met em Mami ond em Papi. Ech ha eifach ned gnueg. Ech esse au Ruerei. Denn goemer e dem schöne chalte Wätter go laufe.

Ech schlofe direkt bem Längacher i ond verwache erscht weder womer zrogg send. Ech be tuef ipackt i mim Chenderwage.

Mini Händli muess i aber glich emmer weder usehebe. Ech wott kei Händsche alegge.

Nochdem mer wieder bem Längacher gse send, hani no es Foti gmacht met em Papi. Denn hani Freud gha well i plötzlech de Grosspapi ond s'Grosi gseh ha. Sie hend mech denn au no doerfe hebe. De Grospapi esch met em Auto hei ond mer andere send heiglofe. Am Nomitag semmer no go lueg was Fasnacht esch. Ech be igschloofe vor em Umzog. Ond woels luet gsi esch het s'Mami mech wiit vom Omzog wäggnoh. Mer send denn no eis go zieh is Fälmis. Am Obig hani no es Bad gno ond be denn igschloofe.

Ech ha s'erscht Mol en Sonnebrelle a.

Ond em Grosspapi ond em Grossmami zeig ech, wo das Vögel omefluegid.

 

 

 

Montag, 11. Februar 2013

De Papi hed frei. Das nütz i us. Ech nehme Schoggiyoghurt vom Papi ond nehme met de Fenger alles use, wo no denne gseh esch. Ech wott ned schloofe ond be denn mued. Bem aesse am Mettag hani weder es Chaos agrichtet. Ech ha halt s'Gliche woelle aesse wie s'mami ond hane ere alles wäggässe. Das hani letzte Fritig au scho gmacht, wo ech ere de Fesch ganz wäggässe ha. Sie hed denn nuet me gha. Well ech so lunisch be ond ned schloofe, semer no chorz en Pili gange. Det hani au ned choenne ischloofe. Erscht of de Heifahrt beni denn igschloofe. Denn het de Papi met em Grosspapi no en Spiegel montiert. Es hed denn agfange schneie ond ech ha mis Znacht gässe. 200 Gramm Polenta!!! Denn esch s'Grosi cho ond ech ha no doerfe chorz zo ehre go. Det beni au is Sitzli gsässe ond ha grad e mol wittergässe. (Brot ond Chaes) Denn esch de Papi mech cho hole. Sie hend foer sech au znacht gmacht. Ech has usgnuetzt ond be is TrippTrapp. Denn hani vom Mami Riis ond vom Papi Bluemechol verlangt. Ond e chli Fleisch vo de Pastetlifüllig. Ech ha also es 3-Gangmenü gha ond denn zom Dessert hani no es Fläschli Shoppe abeghaue. Ech rede jetzt au e chli pa, ma, mämäm, aomi ond ona.

Denn beni fescht igschloofe.

 

Samstag, 16. Februar 2013

Ech stone jetzt vo e lei uf ond bliibe denn auch ca. 30 Sekonde stoh. Debi klatsch i no id Händ. Ech darf am Obig au wieder bade. Ech ha e chli mueh dorezschloofe. Ech träume ond verschrecke jetzt vel. Ech mache devoer tagsöber ganz veli Sache. Ech ha do au scho en Anleitig gstodiert vomene Chaestli. Ech weiss jetzt Bscheid. s'Mami cha jetzt zo mer choe, wenn sie oeppis muess woesse.

 

Freitag, 22. Februar 2013

De Tag verbreng ech met em Mami. Ech mache so vel seich, dass s'Mami ned met mer cha of Sorsee is Pekip. Ech nehme alles usenand. Am Obig goht sie zo de Debi ond de Diana. Denn luegt de Papi zo mer. Mer essid zäme. Ech tünkle s'Brot i mini Polenta met Spinat ine. Den schläck ich das ab. Das hani bem Mami abgluegt. Denn goemer go spele ist Zemmer be de Grosseltere. Ech telefonier no met ehne em Wallis. Ech ben mued ond wot ned Zaendli potze. Denn schlof i i.

 

Samstag, 23. Februar 2013

Ech gone mit de Eltere in Pilatus Märt. Ech wot em Wägeli setze ond ech scanne foer de Papi die Sache i. Denn goemer no go laufe.

Sonntag, 24. Februar 2013

Ech ha ganz schlächt gschloofe wäge de Zahnschmärze. Bi fascht 5 stunde wach gse i de Nacht. Ha erscht am halbi nüni denn gässe. Denn hemmer üs vorbereitet. Ech ha zom erschte Mol i mim Läbe doerfe i ne Badi. Ech ha die Badewendle oebercho. Denn beni met em Papi am Kinderplanschbecki gsässe. Ech ha dem ned ganz trout. Es hed vel Chend gha. Nochdem ech zerscht mini Fuessli badet ha, hed mi de Papi ganz inegnoh. Ech be zerscht mol do gstande ond ha omeglueged. Denn hani anderi Chend aglachet. Es hed e chli gsproetzt. Ech ha denn au agfange omesproetze. Es hed mer emmer besser gfalle. Denn beni au met em Papi einigi Schrittli omenande glofe. Ech ha mi em Becki entlang sälber bewegt. Es hed no en Wasserstrahl gha. Dä hani natuerlich au muesse aluege ond inelänge. Ech ha au es paar Versuech of em Buech gmacht.

Nochäne semer zo de Nona go zmittag aesse. Shed det Spaghetti Bolo gä. Ech ha e chli doerfe probiere. Ech be aber bi mine Broccoli ond Chnoepfli bliebe. Defoer hani denn no fest met de Naomi gspelt ond be met em gotti omeglofe. Da ech ned ha welle schlofe semmer hei gange. Chom em Auto enne beni igschloofe. Denn hed mi s'Mami deheime no zo sech is Bett gleiht. Ech be total wäg gseh, sesch asträngend gseh. Ech ha denn fascht 2 stonde gschloofe. Am Obig hani no em Grosspapi sis Bluewintv igschaltet. No ni gseh, doch die Chnoepf weisi eifach, wo ischalte. Ech ha no met em Mami ond Papi met emene Noschi lang gspelt. Es hed mer gfalle. Ech be denn aber mued gseh ond be bald igschloofe.

Das Bade ond das Ometorne hend mi eifach total uspoweret. Ech be tief ond fescht go schloofe.

 

Dienstag, 26. Februar 2013

De Papi lueget hoet zo mer, well s'Mami of Bärn ane Kors muess. Ech esse met ene zäme zmorge. Denn schlofi e chli ond well de Papi s'Mami a Bahnhof bringt, nemmt mech s'Grosi uf. Sie geht mer denn au de Afang vom Aesse. Ech esse Buechstabe ond au e chli Broccoli ond Ruebli. Denn chani met em Papi go aesse bem Grosi. Ech wott det au weder aesse ond so nehmi halt e chli Härdopfustock ond Vorässe. Ech säge emmer Mäm be jedem Löffel Stock. Denn probier i au o e chli Chueche us. Zitronecake.

Nach em Schloofe beni met em Papi ond em Grosi go laufe. Mer hend no luet gse met Chend. Ech ha woelle metspele. Deheime hani denn alli ueberrascht. Ech be bem Faernseh gse ond ha denn en Schritt gmacht rechtig Papi ond Grosi. Denn nochäne wieder 2 Schrittli vom Couch zom Papi. Am Obig beni no bem Grosi gseh, woell s'Mami met em Papi esch go aesse.

 

Mittwoch, 27. Februar 2013

Ech ha hoet min Spass met em Grosi ond gäge de Obig au no met em Mami. Ech ha weder es zähndli me. Dasmol onde. Ech han es neus Spiel entdeckt. Ech ziene mini Hose über de Chopf.