hoet chond de Samichlaus of Bsuech. Ech freu mech. Am Obig choemed zerst no d'Naomi ond Serena ob Bsuech. Sie essid met mer Raclette em Hoettli osse. Denn warte mer zäme of de Samichlaus. Er chond werklech met Ross ond Wage zo üs abe. Er esch e grosse Ma. Mer hend üsi Liidli gsonge. Er hed e grosses Glöggli met gno gha. Denn hemer noch Lebchueche, Oepfel ond Nössli becho.

Nochäne hed d'Serena es erschts Pünkli oebercho. Mer hend de no ned gwuesst, dass d'Naomi ond d'Serena Spetze Blotere hend.

Samstag, 24. Dezember 2016

Hoet esch am Morge scho s'Bäumli vom Chreschchendli inegstellt gsi. Es esch es Bäumli vo uesem Garte gse. Ech ha die neui Chreppe doeffe ufstelle. Denn beni met em Pap no go omefahre, dass ech e chli gschloofe ha.

Am Nomitag goni met em Mami ond Papi zäme id Chele of Chestenebaum. Sie moechid es Chreppespel. Mer gfallt das ond ech luege ufmerksam zue. Am Schloss singid alli zäme Stille Nacht. Ech au ganz luet.

Mer goend denn zäme gos Chreschtchendli sueche. De Papi ond ech laufid dors Quartier ond luegid oeberall e chli ine. Denn semmer hei ond s'Chrechtchendli het Paekli brocht. Mer zuendid Cherzli a ond issid zäme. Nochäne goemmer no of Aemme wo's Chrechstchendli au z'Bsuech gse esch.

uesses Chreschtbäumli. Sesch so gross gse, dass de Papi hed muesse e chli abhaue, dass de Spetz druf hed moege.