Sonntag, 7. Dezember 2014

Hoet es scho de 2. Adventssonntig. Ech darf s 2. Cherzli azünde. Denn choend hoet au d'Naomi no zo mer. Well am Obig chond denn no de Samichlaus zo üs. D'Naomi hed e chli Angst. Ech ned. Ech go denn au em Samichlaus go d'Tuere ufmache. De Samichlaus setzt zo mer ond redet met de Naomi ond mehr. Er säit ues, was mer guet gmacht hend ond was mer ned guet gmacht hend. Er het en Stab debi gha. Ech ha denn no met em Papi es Liedli gsonge. Nochäne hemmer no Nuessli, Läbchueche, Oepfel oebercho.

 

 

Montag, 8. Dezember 2014

hoet hed de Papi frei. Mer goend noch chorz zäme i Pilatusmärt ond goend au e chli veruse. Mer bachid noch witeri Guezli. Ech esse denn au no vel Mailänderli.

 

Sonntag, 21. Dezember 2014

Es sind nuer no e paar Tuerli zom Ufmache em Adventskalender met em Steft. Ech bastle met em Papi no es Gschänkli foers Mami. (Mer moechid zäme e Cherze) Uses Bäuli, wo mer send go ussuche esch au zo ues cho. Jetzt cha s'Christkindli cho.

 

Mittwoch, 24. Dezember 2014

Am Morge wo ni ufwache esch s'Bäumli e de Stobe gseh. Es hed scho alles dra gha. Gschänkli send aber no keini do gseh. Ech ha aber ganz gnau das Bäumli muesse aluege. Allei Detail. Ond denn hani scho es Gschänkli em Adventskalender gha. E Chreppe wo ni ha duerfe ondere Baum tue.

Am Nomittag beni denn id Chele gange. Sie hend es Chreppespiel gmacht. S'erscht Mol hani e ganzi Stond e de Chele verbrocht. Ech ha Stille Nacht so fruecher welle senge. Am Schluss hemmer alli zäme das gsunge. Mer sind hei go ässe ond ech ha scho doerfe es Gschänkli ufmache. Es hed unterdesse s'chreschchendli Päktli brocht. Ech ha met em Papi no alli Cherzli oeberall azündet. Nochem Aesse hemmer die andere Gschänkli ufgmacht ond hend noch chli gspelt. Denn hani no of Aemme doeffe. Det hets au no Gschänkli gha. Ech ha freud gha, be aber au mued gse.

Mis Chreschtbäumli.

 

Ech be scho am Gschänli uspacke.

 

 

Sonntag, 25. Dezember 2015

Ech schlofe e chli us. Denn speli no met mine Gschänkli. S'Grosi ond de Grosspapi gseni au no gschwend. Denn esch es scho bald Ziit noch Aemme zgo. Ech wot eifach ned. Nochäne gehts als Ueberraschig foer de Stanley en grosse Truthhahn zom aesse. Ech esse vel ond denn goni go spele. Mued goemmer denn hei.

De Truthhahn vom Stanley.

 

Freitag, 26. Dezember 2014

Es hed e chli gschneit. Mer goend go laufe. Mer spelid no die neue Speli. Gäge de Obig chond denn no mini Verwandschaft i Rigiblick. Ech be jetzt au e grossi ond darf jetzt am gliche Tisch ässe met de Buebe. Au Spiele choemer jetzt zäme. Ech esse vel Chippolata ond Fleischli ond Pommes. Denn darf i no es Päckli ufmache. De Papi helft mer denn met em Timo de Oberteil vo minere Chochi zämezboue.

Ech mache no 2 x Unfall. Geie bem Mami no ueber en Täsche. Geb e Schramme grad über mis Aug. Denn blieb i met em Schue be üs onde hange. De Timo helft mer. Ech bluete vo de Lippe.

De Timo luegt guet zo mer.

 

De Papi ond de Timo spelid denn met de Handorgele ond em Schwizeroergeli zäme.