Hoet darf ech go mini neui Cousine aluege. Sie heisst Mia und esch em Gotti sis Bebe. Met de Naomi zäme semmer ganz erfreut über das neue Gspänli.

Mer goend am Morge ene Fiir i de Chele. Zom schuelafang werdet dete d'Chend ond d'Schueltaesche gsegnet. Es sind fascht 80 Chend i de Kapelle ond am Schloss doerfid mer denn i die grossi Chele ond zom Altar voere. Ech gone elei met de andere Chend det äne. S'Mami ond de Papi hend fescht freud dass ech das gmacht ha.

Am Nomitag goemer no zom Gotti goge d'Tafele für d'Mia ufstelle. Denn mues i schon gli is Bett den morn hani mi erschti Tag em Chendergarte.

D'Tafele hed s'Mami gmacht ond de Papi denn montiert.

Hoet esch en grosse Tag foer mech. Ech go hoed zom erschte Mal i Chendergarte Hofmatt. Ech treffe mech met de Ayana ond s'Mami chond met of Horw. E de Chele onde oeberrascht mech de Papi. Er esch extra vom schaffe cho. Ech ha fescht freud. Ech ge auch ufgregt. Denn begrüssid mech die beide Chendergärntnerinne. Ech sueche mer es Plätzli ond setze äne. Es geht grad e Gschecht vom Frederick. (e Muees) Nochäne darf i e Mues mache met em Mami. Eini nemi hei, eini bliebt em Chendergarte. Ech bliebe no fascht e Stond elei em Chendergarte ond Spiele. (ha scho e chli Angst gha, has em Papi am Obig no verzellt) Of em Heiwäg hani denn no s^drüeck oebercho. D'Hanna lauft met ues hei.

Am Obig esch denn en Amerika Finsternis gse. ech be ganz ufgregt gseh ond ha met em Papi mini erschti totali Sonnefinsternis im Färnse ond PC gluegt.