Hoet hani mit erschte Tag e de Waldspielgruppe. Ech darf met em Mami ond em Papi det äne go. Ech freu mech. Ech ha ganz spezielli Chleider ond gone denn met em Papi ond em Mami zäme ufe i Wald. Det werdi vo 2 Häxli begrüsst. Sie begleitid üs übers ganzi Johr.

Ech mache das ganz guet. Sie zeigid üs, wo alles im Wald obe esch ond of was mer muend luege.

ech be denn nochäne mued gseh doch ech ha denn am Nomitag dosse no gspellt met em Papi.

Es esch emmer no heiss. De Papi ond ech send am Morge deheime. Mir bereitid üs vor of d'Hochzig vom Gotti. Mehr fahrid denn of Willisau wo ech darf d'Reng brenge.

Ech ha de Reng foers Gotti be mehr.

S'Gotti esch gloecklech.

Nochäne gommer go fiire. Ech darf det tanze ond ich wot ned hei. S'Grosi wäri mech go hole, doch e mache bes noch de eis witter. Denn Schlofi bem Papi i.

Mer treffid üs hoet obig no met allne Verwandte vom Mami. Au Seline ond desiréé send det. Sie tuend met mehr spiele. Sie choemid vo Amerika. Sie zeiged e de naomi ond mehr no neui Speli. Ech zeige ehne defür de Mond vo chond als Vollmond ond erkläre ehne d'Stärne.

Hoet obig choemid die Verwandte vo Amerika of Bsuech. Ech zeige ehne alles was be üs so omme het. Mehr spielid vell zäme. Wo de Mond chond zeig ech ehne das denn au no dors Teleskop. Sie hend das no nie gseh. Ech rede met de Desiré of allne Sproche. Ech zeige ehre, dass mehr cha Aerdbeerli aesse direkt vom Struuch. Sie hend das no nie gmacht en Miami.