höt beni met em Pap deheime. S'mami muess noch em zmorge no chorz go schaffe. Am Nommitag choemid denn mini Cousin ond d'Ellin of Bsuech. Mer essid en Lammgigot. Ech ha freud, dass ech met em Timo cha spiele ond ech gniesse

Au hoet got s'Mami chorz go schaffe. Ech be met em Papi deheime ond ech baue met em Papi am Legobagger. ab hoet het de Papi denn 3 Woche Ferie. Ech gniesse das, wenn de Papi deheime esch.

Ech darf hoet en en chline Zoo go. En Rotheborg gets de Tonis Zoo. Ech gse det veli Tierli. Doch am liebste hani halt doch de Spielplatz ond d'Pomme Fritli ond Woerschtli wos det get.

Hoet het s'Mami Gebortstag. Ech senge ehre Happy Birthday, aber emmer de, wenn sie ned ome esch. De Papi macht am Morge früh no met em Teleskop ufnahme vom Jupiter ond de Venus. Denn goemer zäme go Aesse. Zmorge. Am Obig goemmer denn au no go aesse is Fälmis. Ech cha zerscht no ofem Spielplatz spiele. Denn Esi auch Pommefrittli ond Chickennuggets ond en Glacé.  

Ech go hoet met em Mami ond em Papi of enes chlises Reisli. Mer Fahrid met em Zog of Luzern. Denn met em Schiff of Hergiswil. Det Picknickid mehr ond denn fahre mehr met em Zog wieder i Mattehof. Ech gniesse das.

Mer fahrid hoet morge früh los of Italie. Det am Meer blibe mer denn es paar Tag. Ech gse am Mettag zom erschte Mol s'Mare. Es het det auch viel Spielplätz ond em Hottel Sorriso hets au es Spielzimmer foer d'Chend. Ech darf au emmer bem Aesse Pasta aesse ond Meisli. Ech ha es guets Sitzli becho. Ech cha allne Zugluege wo inechoemid. Es hed vel Chend. Ferie sind guet. So darf ich erscht is Bett go, wenns dosse scho ganz donkel esch. Mer laufid no e chli dor Lido die Classe doere.

Ech ha ganz vel Sache zom Spiele vorem Hotel. Es bruucht aber Getoni.

hoet es esch rächt warm. Ech darf 2 x go baade. Ech ha au met de Floegeli scho mol e chli probiert. Am Obig spreng ech vel em flache Meer omenand.

Ech muess das alles rechtig mache. die choend das ned.

Ech sprenge dors Meer ond es sproetzt so rechtig. Mer gfallt das.

Mer fahrid hoet in en Vergnüegigspark Mirabilandia. Es het det ganz vel Bahne wo ni darf fahre. Am Schluss no ofeme Rieserad wo 90 Meter hoech esch. Es het det Dinosaurier und ganz veli Tschu-Tschubähndli. Ech wot erscht am Obig hei. Ech schlofe chorz em Chenderwage ene.