Hoet esch em Papi si grossi Tag. Er darf hoet e chli Füürwerk ufeloh, well d'Schwiiz Gebortstag hed. Mer treffid üs met em Nonno, de Nonna, em Gotti, de Naomi ond em Rest vo de Familie be üs em Garte. Au de Onkel Thomas met de Familie esch debi wie s'Grosi ond de Grosspapi. Ech werde von allne bestuunt ond jede wot mi e chli hebe. Nome de Timo hed nomme für d'Naomi Auge gha. Alli hend grilliert, ech ha nüd ussert Melch becho. Gemein. Denn heds scho emmer e chli omeknallt. De Papi esch jo wen es chend, wenn er Füürwerk hed.

de Nonno met de Naomi ond mer.

Er hed denn wo ni scho gschloofe ha au no e chli Ware vom Bugano ufegloh. Das hed so rechtig klöpft. Denn spoeter hets denn vo Bletz ond Donner chloepft.

Scho am Morge chonds Grosi zo mer cho luege. Ech wott eifach ned schloofe. Doch mehr hends loschtig zäme. Mer pläuderlid emmer e chli ommenand. Denn schloofi bem aesse glich i. Ech spar mer schiessle bes s'Mami hei chont uff. So muess s'Grosi ned suuber mache.

Hoe chani met em Mami de Tag verbrenge. Mer goend no chorz ene Apothek om det no aesse foer mech z'chaufe. Denn goemmer au no es Aemmecenter. Ech bruuche vel neui Chleidli für mech. Ech halte s'Mami de ganz Tag of Trab. Am Obig goht de Papi no go ichaufe. Dasmol nemmt er mech ned met. Ha scho zvel gseh hoet. Ech warte of de Papi ond mer moechid denn nos Obigritual.

hoet luegt s'Grosi chorz zo mer, damit s'Mami ond de Papi choen go Moebel aluege. Ech cha denn am Nomitag no metne go laufe. Ech ha halt en Chenderwage met Moskitonetz. S'Mami ond de Papi send vo Bräme gjagt worde ond ech ha mi friede gha. Ech ha nochäne no doerfe bade. Ech ha do emmer Spass dra.

Ech ha no oeppis neus usegfunde. Ech cha mini Socke met em Muul abzieh. Denn chaetschi e chli of dene ume bes ganz nass send.

Am Morge schloofe i no echli. Denn luegt de Papi zo mer, dass s'Mami no e chli cha go schaffe. Ech wott net schloofe. erscht nochem Aesse machi jewils bem Papi of em Arm es Verdauigsschlöfli. Das gfallt mer sehr. Am Obig goemmer no goge Laufe. Ech cha em Altersheim no s'Eseli ond die viele Aentli aluege. Das gfallt mer.

ech jage scho em Bad ene. Das behorte esch de Papi. Ech jage aber ned de Papi, sondern s'Termometer.

Wemmer do tued plansche, denn sproetzt s'Wasser ommenand. Das chani denn met minere Zonge abschläcke. S'Mami hed das gar ned gärn. Esch mer egal.

Am Morge schlofi bis am halbi achti. Ech be weder um 90 Grad dreihet em Bettli gläge. Em Mami hani no en Schock igjagt. Ech ha mi selber dreiht em Bettli ond denn hani noemme gwoesst, wie nech mini Fuesseli weder be de Getterstäb usebringe. Denn esch no de Nick mech cho bsueche. Bem Grosi hemmers loschtig gha.

Hoet goni met em Mami no e chli go ichaufe. Det esch es weniger warm als dosse. s'Grosi goni vor de Ferie no go verabschiede. De Nomitag verbrengi be de Tante Rebi. Mer hends ganz loschtig metenand. Au met em Stanley hani es Gaudi. Ech trenke jetzt de ganz Tag Holle Möuch. Ech läre jetzt alli mini Fläschli ond steigere mech of 200 jedes Mol. Endi Woche darf i denn ändlich oeppis anders aesse. Ech darf denn eine vo de Koerbis vom Grosi afange ond Breili aesse. Ech uebe scho mol met em Loeffeli omzgo. Ech luege au ganz enteressiert em Mami ond Papi zue, was die so allis is Mul ine tuend.

S'Mami ond ech goend e chli i Garte ond luegid alles a. S'Mami hed Angst vor Spenne. Mech enteressiert alles. Ech packe jedes Blättli ond Bluemli met mine Händ om das z'ondersueche. De Papi chond hei ond tued zo mer luege, woel s'Mami no chorz es Gschäft go muess. Er zieht mer sogar s'Pyjama a. Vorher hemmer no de Stefan ond d'Georgette em Garte gse bem sprüze em Garte vos Appius. Ech ha dem enteressiert zuegluegt. Denn hani vel gässe ond be denn schnell igschloofe.

Am Morge luegt s'Mami zo mer, denn chond am Mettag de Papi hei, er luegt denn zo mer ond schaffed weder am Obig. De Papi spelt mer met de Handorgele vor. Ech loose ganz luutlos zu. Das gets eigentlich be mer gar ned. Mer goend go laufe ond no chorz i Garte go luege. Ech wott alli Blueme ond Blätli alänge. De Papi lot mech lo mache. S'Mami traut sech das ned. Es choenti jo Spenne ha.

Ech darf hoet de ganz Tag met em Mami verbrenge. Ech gniesse das. Schiessle jetzt eigentlich scho jede Tag. Mer goend no goge Tante Rebi bsueche, well sie i'd Ferie goht. Am Obig goends ned go ichaufe, sondern sie holid usem Garte en Choerbis. Das sell ich denn ab morn aesse. Be mer do no ned so secher. Sie chochid das alles. Au no Aprikose gwoent de Papi ond gfruert sie denn weder i. Ech be mued ond go go schloofe. Selid die doch no foer mech schaffe. Hauptsach ech chomme morn zässe oeber.

Höt esch en grosse Tag foer mech. Zerscht darf i weder met go poschte. Det chaufids mer Chleidli. Denn trenki bem Bachmann min schoppe ond schloofe nochäne i. De rescht vom Ichaufe gmerk i noemme. Wommer hei cho send het s'Mami mer denn zom erschte Mol es Breili vorbereitet gha. Ech ha jetzt Choerbis usem garte oebercho. S'Grosi het extra glueget, dass die foe mech denn riif send ond dass es gnueg foer mech hed. Danke Grosi.  Ech ha mol 4-5 Loeffeli gässe. Muess das no leere met em abeschloecke. Abschläcke chani guet. Aber glaub esch net so schlächt gsi. Sie hend mi amu grüuemt.

min erschte bes feschti Nahrig. Jetzt gohts noemme so lang, bes i denn wieder emol no anderi Sache bechome.

Nach dem hani denn no choenne go Bade. ha denn mi Gspass gha em Bad met em Papi. Au s' Mami wo hed woelle fotografiere hani licht nass gmacht.

Ech mache Frühschecht, wott denn aber no einisch schloofe. Schloofe bem Mami em Bett. De Papi hed kei Platz meh. Dä soll ofs WC ond go duesche. Denn chan er denn grad no z'Morge mache. De Papi ond ech gond no go spaziere müend denn aber weder umchere wells fod a rägne. S'Mami esch chorz am Schaffe em Gschäft ond de Papi ond ech spelid ond luegid no de Garte zäme a. Am Obig hani Mueh med ischloofe. Das Gmuess esch doch ned so eifach zom verdaue. Ech muess jetzt au vel me foerzele. Uebrigens dreih ech mech jetzt en Sekunde of e Buech.

s'Mami muess am Morge zom Zahnarzt, well sie en abbrochne Zahnd hed. Drom muess de Papi zo mer luege bes sie zrogg esch. Beidi Grosi send e de Ferie. Denn goemer no e chi use ond au chorz is Dorf om Melch zhole. Be de Muetereberatig simmer au gseh. Ech be jetzt 8255 Gramm schwer ond 65  e halb zentimeter gross. Ech esse jetzt jede Tag e chli Breili. Ech mache jetzt au scho mis Müli dezu uf. Doch en Sauerei esch es trotzdem jedesmol. Ha de Brei denn bis i mini Nase ufe.

S'Mami ond ech gniessid s'schöne Wätter. Mer goend e mor chorz use. Denn turni omenand of minere Spielmatte. Ech torne e chli fest ond drei mech zu schnell. So schloni halt mis Choepfli e chli am Bode a. Be rächt verschrocke ond ha e chli muesse bruele. Mis Mami hed mi denn zo sech gno ond troested. Glaub das werd mer no es paar Mol passiere. S'Mami esch aber glaub noech am Herzinfarkt gseh. Defoer hani am Obig met em Gotti wo mi cho bsueche isch versuecht z pläuderle. Ech versuche jetzt so oeppis wie bah usepruschte. Au bem Ischnufe toents mängis wie weni wuerdi pfiife. Met em Papi beni no chorz i Garte go luege was alles no hed.

Toll de Papi esch hoet deheime. So chan ech am Morge sis Bett oebernäh. Er got defoer i Garte ond goge Choerbis abnäh ond au Aprikose. Denn get er mer hoet Breili. Ech esse 25 Gramm scho vo dem Züügs. Während dem macht s'Mami no Pizza ond Kueche foer ere Gebortstag vom Samstig. Es esch heiss ond sie heizt no me. De Papi goht go Lammracks grilliere. Ech be denn em Wage nebedra. Schloofe wot i hoet ned. Dosse es esch agnähmer. Gäge Obig chomid s'Grosi ond de Grosspapi weder zrog. Sie schänkid mer es handglismets Jäggli met Sonne ond Räge drof. Danke Euch. Denn zeig ech ene no, was i im Garte so alles gmacht ha. Was es omme hed zom mache. Ech be jo do de heimlichi Boss. Ech kenne jedes Blättli ond Bluemli do em Garte.

Hoet beni bem Grosi well s'Mami muess go schaffe. Ech has ganz loschtig met em Grosi. Ech chomme emmer weder de Hitzgi öber wägem lache. De Papi esch am Vorbereite foer em Mami sin Gebortstag vom Samschtig.

S'Mami god met mer hoet furt. Mer wend is Pekip of Sorsee. Denn gits aber en Onfall. S'Mami gheit om ond über mech ine. Zom Glöck beni im Maxi-Cosi ene guet gschuetzt gse. Em Mami heds me gmacht. Drom semer weder hei gange. Sie muess sech jetzt erhole. De Papi chond am Obig ond sie goend no zäme go ichaufe. Ech be bem Grosi i dere Zyyt.

Hoet esch en grosse Tag foer mis Mami. Si hed zwar schmärze vo uesem Storz vo gester. Doch en Bsuech bem Doktor zeigt, dass es wohl nomme verstuucht esch. Scho gli chond des Gotti mech cho bsueche met em Massimo. Sie hälfid em Mami bem Vorbereite. Denn choemid de ganzi Tag no Luet verbi om em Mami z'Gratuliere. Es esch megawarm do met oeber 30 Grad. Ech be lang emmer de bi. Au am Obig no. Das chan ech mer jo ned lo entgog.

Noch em lange schlofe werds weder enteressant. Sie pakid veli Sache i om met mer i d'Ferie zgo. Mer ässid no met em Grosi ond em Grosspapi dosse. Denn fahred mer is Wallis. Ech cha s'erscht mol oebere Pass fahre. Of em Gremselpass heds en See. Das gfallt mer. scho gli nochäne beni weder igschloofe. Mer chomied denn z'Breite a. Ech verwache em Feriehus. Das esch alles neu. Zom Glöck esch de Grosspapi au met cho. Ech muess alles zerscht erchonde. Bruche e chli om denn izschloofe.

Montag, 20. August 2012

Am Morgen met em Grosspapi z'morge ässe. Ech darf no echli em Bett vo de Eltere liege ond pfuuse. Denn gömmer zämme nach Brig. Einkaufen im Coop. Dann Kleider fürs Mami kaufen im Vögele. Esch foer mech ned interessant, ech schlofe. Gut esch es kühler da. s'Mami ond de Papi gönd no em Garten vom Stockalperpalastes met mer spazieren. Ich schau mech om und cha vel entdecke. Am Obig chonds cho gwittere. Mer gönd ins Restaurant Taverne. Ech darf s'erste Mal mit debi si. Schau mich da ome. Es hed do scho schöni Deko, die ich denn gärn aberisse möchti. Ich will bem Essen Mami und Papi auf em Schoss sitze. Met em Papi chan ech dusse die letzti Mahlzeit näh.

Ech gniesse s'dusse si ganz fescht.

Dienstag, 21. August 2012

Ich schlofe am Morge im Bett be mine Eltere weder i. Erst gäge 1500 Uhr chan ech Breili ässen. Mer send am Morgen no met em Mami zom Doktor gfahre. De Papi und ich hend sie brocht. Denn he er mich gfüttert und mer fahrid dann noch Eyholz in de grossi Coop. Det hend sie no Chleidli für mech gkauft. Ich durfte kurz in einem Kindersitzli im Coop Restaurant sitze. Ha mech scho ganz gross gfühlt. Am Obig het mir de Papi extra de Kinderwagen hochtreigt, so dass ech schlofen cha wo sie dusse grilliert hend. De Papi ond ech nähmid denn dosse no die letzti Mahlzit i. Ech be denn todmüd igschlofe.

Mittwoch, 22. August 2012

Do s'Mami Antibiotika nimmt und es sehr heiss esch, blibed mer am Morge deheime Hause ond gniessid es hier. Ich darf weder dosse Melch trenke. Es het ganz vel Schmetterling do. die lueg ech gärn an. Am Mittag fahren mer noch Brig. Dort gets en grosse Buchlade. Sie kaufen mir det vel büchli för spöter. Wir gönd denn weder in de Park. Ich darf det weder Melch trenke ond s'Mami ond de Papi Sandwich ond Früchte. Dann holen mer no Melchpulver för mich. Darf ja ned hongere. Ich spele denn viel mit em Mami ond gniess de Papi no länger. Am obend esch es no 29 grad warm. Sie müend mech höt länger of em Arm halte bes ech ischlofe.

Ech luege alli blättli a ond zopfe det dra.

Mer send am Morge lang legge bloobe. Mer goend no chorz of Eyholz ond chaufid de no oeppis a Sache i foers Grilliere i de Metzg. Mer goend den no go es Glace nä im Restaurant Tunetsch. Die hend grossi Glace det. Es chond cho Stoerme ond es git es paar Tropfe Räge. Ech gniesse das omeluege. Mer spielid vel zäme ond ech wot au scho mitsinge bem Singe us dem Buechli met de schwiizerlieder. Am Obig rägnet es weder e chli. Es ged en wonderschöne Rägeboge.

en schöne Rägeboge strahlt foer mech.

Mer goend metenand go zmorge ässe e de Bäckerei im Dorf onde. Denn hole mer no oepis em Coop ond laufid no e chli omenand. Ech ese vel Breili dosse ond gniesse mini Schmätterling. Die flügid so gärn vor mech ome. Mer gönd am Obig no chorz of Brig go spaziere. Es choenti oeppe cho rägne cho, doch es windet numme. mer goend no anderi Läde go aluege. s'Mami weiss uswändig, wo die oeffentliche WC en Brig alli so send. Sie got no chorz i'd Migro go luege, öb s'det no oeppis foer mech hed.

Mer goend no einisch of Brig. det esse mer en Pizza zäme. Ech muess de Voegeli zuliege ond chome nued oeber als Melch. Das esch gemein. Denn goemer no i diversi Läde ond goend no einisch en Park bem Stockalperpalast. S'Mami luegt emene Hochziigspaar noche. Gäg de Obig goends met mer no go aesse. Sie meinid, sie choenid das mache ohni mech. Genau wenn's Aesse brocht werd, verwach ech ond wot au mitässe. Denn bem Heifahre lehr i no d'Frau Bonet könne. Das esch en Nochberi det en Breite. Sie hed Freud a mer.

Chum semmer e de Wohnig fots a rägne. Doch noch e paar Leter esch das scho weder fertig.

Es esch scho am Morge weder schoen, doch es esch rächt chueler worde. Es esch nome no 15 Grad dosse ond es störmt so rechtig. die Bäum und Blättli fluegid omenand. Mer gfallt das sehr guet. Am Obig grilliere mer zäme dosse ond ech darf dem Fuer zuluege. Das esch enteressant gseh.

Ech luege alles a, was do dosse so omechrücht ond fluegt. Das gfallt mer sehr guet.

De Papi macht no en schöni Foti vom Bättlihorn ond de Omgebig met üsne Fiigebäum.

s'Mami muess no einisch zom Doktor. Sie muess no me Medikament nä ond so goend de Papi ond ech halt i Coop go ichaufe. Ech luege interessiert e de Autos of dere Stross noche. Denn darf i no s'erscht mol met em Papi i'd Metzgerei. Er holt det no Trocheschenke. De Metzger macht mer extra Türe uf. Noch dem de Papi oeppe 20 x ufe ond abegloffe esch ond total nassgschwitz esch hemmer all mini Sache verlade ond mer fahrid gäge obig weder hei id Uesserschwyz. Mer moechid en Guttanne no en Halt im Hotel Bäre. Det trenkt s'Mami en Suppe ond ech min Schoppe. Schlofe denn i ond verwache erscht chorz vor Horw weder well ech weder Honger ha. Deheim begrüssid mech s'Grosi ond de Grosspapi. Ech lache sie ganz fescht a.

Ech verwache deheime. S'Mami ond de Papi begrüssid mech. Mer goend denn metenand go ichaufe. Mer hend jo nued me z'ässe deheime. Ech cha em Maxi-Cosi obe ofem Ichaufswage setze ond luege die vele Liechtli a wo do so omme send. Au grüss ech alli Luet wo mech alachid met emene Lache zrogg. Mer gfallt das. Ech bsueche au met em Papi de Garte ond luege was so alles gwachse esch. Ech nehme au d'Bluemli id Hand ond risse det einzelni ab. Hoffentlich gsed das s'Grosi ned. mer machts aber Spass.