Hoet tuemmer am Morge so rechtig Brunche. S'esch heiss dosse. Am Nomittag chond denn d'Rebi, de Stanley ond de Massimo ond s'Gotti. Mer tuend zäme Grilliere. z'erscht darf ech noh bade wells so heiss esch. Ech esse ganz vel. Es geht au no Gelato, do muess i natürlich auch zuschloo. De Papi spellt scho e chli met Chloepfizuegs ome. Rund ome duets chloeppe. Ech be denn halt scho zmued om bis am zähni zwarte ond schloofe denn i. De Papi schiesst no ganz lueti Ragette ufe ond er hed no 2 grossi Vulkan abglo. Er hed aber auch eine foer mech of d'Syste to. Dä chond denn a mim Geburtstag zom Isatz. Danke Papi.

Mer goend am Nomittag of Beromünster. Det fired d'Melissa ehre Geburtstag i de Badi. Ech freu mech druf. Ech cha au go bädele. Met em Mami ond em Papi beni denn det zerscht is chline Chenderbad gange. S'hed vel zom Spele det. De papi hed mi no chorz is grosse Bad mitgnoh. Denn hemmer e chli gässe. Ech ha au Fischli vom Kambly ond e chli Salzstängeli gässe. Denn hemmer met em Papi ond de Melissa gspellt. Alli of de Papi ufe gompe. Es hed ganz veli Chueli näb dere Badi gha. Ech ha emmer weder muesse luege. Nochäne semmer no of en Spelplatz det. S'hed mer gfalle. Denn hani vom Götti no Chicken Nuggets ond Pommes becho. Ech ha das gärn gha. Zom Abschloss hani no es Gelato doerfe ha. Mer send denn gäg die 10 i am Obig hei gfhare. Ech be denn igschloofe.

Ech verbrenge hoet ond Morn de ganz Tag met em Grossi. De Grosspapi luegt au zo mer ond de Nick esch hoet au no doe. Ech has luschtig. Mer belegit zäme d^Duschi ond spelid vel. Mer tuend au no Rasemähe ond goend go ichaufe.

Mer goend go ichaufe ond verbringed de Tag met Wäsche ond Potze. De Papi ond ech goend au no i Garte go Wasser gä ond go gmuess abnäh. Denn goemer de Stanley go hole om zo de Sabina of Langnau be Reide z'gho. S'Mami fahrt serscht mol met dem Auto. Ech setze hende ond luege oeberall äne. Bem Gotti hani denn schnell die Wohnig chönnt. Nur mit em Massimo hani e chli Ziit brucht. Hingege met em Stanley hani s'rüdig loschtig gha. Ech ha Chäschuechli ond Blätterteig gässe. Denn hani em Gott no muesse zeige wo de Mond esch ond wo de Obigstärn esch. Sie hed das ned gwoesst.

Bem Heifahre hani denn s'erscht mol i mim Läbe muesse choetzle. Ech be im Schloof gseh ond rächt verschrocke. Ech ha den muesse beruhigt wärde. Ech ha jo gwartet bes de Papi es neus Auto hed. Denn hani erscht choetzlet. Ech be denn nochäne wieder igschloofe. S'Mami ond de Papi hend rächt muesse Puetze.

Am Morge goemmer go ichaufe. Nochäne schloofe ech no e chli ond mini Eltere Packid. Mehr fahrid am Obig no is Wallis. Ech ha freud gha ond ha i de Rhonequelle foer onderhaltig gsorget. Im Huuss be ni au scho gseh ond ech has sofort weder erkennt. Shed en Leu dosse ond denn heds vel Hemberli. Die hani natürlich grad muesse ässe. Ech ha es Zemmer foer miech ond de Papi hed no Moebel usegstellt, so dass ech me platz ha.

Mer tuend zmoergele. Denn fahre mehr no chorz noch Brig of en Spielplatz. De Papi zeigt em Mami au de Spelplatz be de Chele in Mörel. Ech sammle es Bluemli foer s'Mami wo Gebortstag hed. Merh goend no go aesse i d Taverne. Ech be ned ganz so lieb wie letzt mol ond wott ständig ome Springe. De Papi hed denn am Obig plötzlich en Usschlag gha ond es hed em alles weh gmacht. Er hed denn au e chli Fieber gha.

De Papi esch zom doktor gange. Dä hed au ned gwuesst, wie so alles rot am Rügge esch. Es hed e chli grägnet ond mer send denn no of Brig go ichaufe. Ech ha es Speli oebercho ond mehr hend ikauft. Am Obig hemmer denn grilliert ond ech ha scho en Pouletschänkel gässe. De Papi muess morn zu enere Spezialistin of Brig. (Weiss ned was das es) Ech be mued gsi, doch ech ha am Obig jetzt emmer muesse em Mond zueluege, wie dä cho esch. Ech be rechtig Mondsoechtig.

Mer goend am Morge chorz of e Spielplatz en Brig go spele. Denn muess de Papi noch em Mettag zo de Frau Imhof. Sie hed au ned gwosst, was das foer en Usschlag esch. Sie mochid ondersuchige ond de Papi muess salbi istriche. Am Obig darf ech denn no is Pastabuffet of Moerel. Det hets dosse no ganz vel Winachtslichtli. Die gfallid mehr ond es hed au no Dessert gä.

Mehr spelid metenand ond goend no of Eiholz go ichaufe. Am Obig hemmer woelle grilliere, do schälleds plötzlich. E grossi Ueberraschig. d'Naomi esch of bsuech cho. Ech be fascht usgflippt. Ech ha d'naomi so vermesst. Mer springid dur die ganzi Wohnig ond spelid denn metenand. d'Naomi bliibt 2 Nächt be mehr.

Hoet goemmer wiit go fahre. Noch em Zmorge met de Naomi semmer mer aber of Zermatt gfahre. Juhui, ech ha doefer Tschu-Tschu Bahn fahre. Zerscht of Zermatt, ond denn no of de Gornergrat. Cool . denn hani of em Bärg obe noe vel Sache gseh ond so en spitz esch mer denn bloobe. s'Matterhorn. Das hani oeberall weder gseh. (Of Fläschli vo Mineralwasser bem Coop ond soescht no of Bildli) Ech ha no doerfe met eme Wauwau (Bernhadiner, Nana hed er gheisse) doerfe streichle. Am Obig semmer denn no im Camping Tunetsch go aesse met de Naomi. S'hed det ver Spelsache so dass ech vel Spass gha ha.

Chlini Frau ganz wiit obe.

Ech met minere Familie ganz wiit obe.

E chlini Zwoescheverpflegig.

De Papi muess hoet no einisch zom Arzt. die Usschläg send no ned wäggange ond sie wend no bespreche, was mache. Drom send mer am Morge no chorz met de Naomi of en Spielplatz en Brig ond hend det Seifiblöterli lo fluege. Denn semmer de heime gseh ond hend chorz no ichauft. Mer send denn no en Brig gse. Ech gseh jetzt emmer weder Bagger of de Baustell ond rede au. Ech plaudere jetzt au Lampe, Spenne, Gelato, Cola. Ech rede eifach. Mer luegid, dass mer alles vorbereitid, Morn darf ech s'erschte Mol of Italie.

Ech has Mami gärn.

Mer goend am Morge scho frueh uf. Mer fahrid of Brig ond ech darf eme Tschu-Tschubähnli fahre. Dor en lange Tunnel ond denn be ni serscht Mol in Italie. Ech cha of Domodossola a Märt. Ech wott sälber omelaufe. S'het vel Luet ond s'Mami hed Angst. So goemmer zerscht go es Cappuchino trinke ond es Brioche Aesse. Ech esse de ganzi Schuum. Denn chani no go Schueli chaufe ond au no Chleidli. Am Mettag essi em Papi sis Ossobugo met Rissotto wäg, wel s'Mami mer Gmuess bstellt het. Doch das hani net woelle aesse. Au die Pasta ned. Am Nomittag semmer denn weder zruegg gfahre. Em Zog heds näbe mer es Bebe gha. ech ha dem emmer weder hallo grueft. Am Obig beni denn mued gseh.

Mer gniessid de Tag. ech schloofe am Mettag ond denn goemmer is Fieschertal of en grosse Spielplatz. det cheont mer au Grilliere. Mer essid denn aber Härdopfustock deheime ond ech spiele met em Papi Memory. Ech ha das scho ganz guet.

Mer goend go ichaufe in Eiholz. Ech wott jetzt de grossi Ichaufswage sälber stosse. dennn chani entscheide wo ni higone. Mer send denn am Obig of Brig ond hend det no em Park gspellt, hend no ichaufed ond denn hani doerfe is Stiikhouse. De Wert het emmer met merh chäsperlet. Ech ha denn s'erscht Mol Nuedeli choenne aesse. Das esch guet gse met Chrüterbutter ond au s'Fleisch vom Papi isch guet gsi. Ich ha denn allne no ade gseiht ond sie hend mech alli aglached. shed denn e chli tröppfeled, so hemmer denn halt muesse hei go.

Ech cha hoed met em Bähnli of d'Riederalp fahre. Be jedem Maschte machts bumbumbum, das gfallt mer. S'Mami hed me Angst gha. Ech ha denn det of eme Spielplatz gspelt ond be au ofeme lange Seili gshe, wo de Papi hed muesse agäh. Rütschbahn fahri jetzt sälber.

Merh goend no of Bellwald. Det heds en grosse spielplatz. Das muess i au usprobiere. S^mami chauft es Glace foer sech, doch ech esse das fascht alles. Mer send denn no go ässe. Det hani em Mami ond Papi en grosse sChreck igjagt. Ech ha mich of em Trampolin losgrisse ond be ommespronge. Denn hani gnau de usgang breicht ond han en Salto gmacht of de Bode. zom Glueck heds mer nued gmacht. Ech be grad weder of d'rutschbahn gange. Danke Schutzängeli. Deheime esch denn s'Grosi gseh. Sie sind au is Wallis cho. ech ha si so vermisst. Sie hed no zo mer gluegt, dass s'Mami ond de Papi hend choenne no go es glacé go ässe. Morn hends Hochzitstag. Ech ha denn tuef gschloofe.

Mer muend weder heigo. Sgrosi lugt am Morge zo mer, daass mini Eltere choend ruume. Es gfallt mer met em Grosi dusse zsi ond Himberi zässe, Seifibloetterli zmache. Chani jetzt sälber. Bem heifahre hani denn plötzlech no Velo ond Auto gseid. Am Obig deheime es de Papi met mehr no go luege, wie d'Baustell vom Nick usgseht. Es het det Bagger gha ond en Chrane. Sie send so am Betoniere gseh. Mehr gfallt das wen oepis got. Am Obig es denn no de Nonno ond d'Nonna mech cho bsueche. Danke für die Gschänkli. ech ha si set Woche noemme gseh ond ha sie vermisst gha.