Met mine Eltere tuni hoet zmoergele. Ond ech darf e chli chli schoggi näh. Mer goend denn go laufe. Noch em Mettag got de Papi a Match om sech zärgere. De chond de Jonas ond de Nicolas verbi. Das esch luut gseh met dene beide. Ech hami muesse drah gwönne. Doch am Schluss hani au metgmacht.

Ech darf s'erschte Mol em Sandchaschte ellei si. Ech spele det fast en halbi Stond. Das esch genial. Sand hani denn aber oeberall gha. S'Mami heds gfreut ond de Papi hed muesse go bade met mer.

Vorher hani em Rase äne no en Choebel met dräck gfunde. Det hani au gspelt. Ech muess doch das leere. E chli Dräck aesse soell jo au guet si foers Immunsystem. d'Schildchrotte send gestern wieder ufecho. s'grosi hed mer si zom streichle gä.

ech muess doch go luege was das foer Viecher send met dem Panzer.

ech be ganz en schiinheliigi. Ech ha scho en "Heiligeschiin"

Ech ha fescht Zahnweh gha ond wenig gschloofe. Au de Papi ond s'Mami. Ech ha denn d'Store abegloh, dass smech bem aesse ned bländet het. S'Grosi het mi vor em Mettag gholt ond ech ha doerfe em Garte omenandlaufe. D'Schildchrote hani au no bsuecht. Ech be denn no go schloofe. Nochäne semmer no zom Urgrossmami. Sie esch noemme guet zwäg. De Papi esch gange om sech z'verabschiede. Sie hed denn noch mehr gfrogt ond ech be de zu ehre ineglaufe. Sie muess legge em Bett. Ech ha si aber aglachet ond denn es s'ere e chli besser gange.

Am Obig hemmer s'erschte Mol dosse choenne aesse. Mehr hend grilliert. Ech ha 2 Cippolata ond e halbe Pouletschänkel gässe met Härdöpfu. Ech has gnosse dosse zsie. Mer send no em Garte omenandgluefe ond ech be of em Riteroessli gseh.

Hoet hani s'Mami rechtig oeberrascht. Ech ha am Morge en Stond gschloofe, ha denn alles usgässe. Be weder go schloofe. Denn hani no Fröcht gässe ond be met de Naomi dosse gseh am Spele. Ech ha denn no dosse met em Papi ond em Mami znacht gässe ond be denn met em Papi no go omelaufe. Ech be fascht i garte abe gspronge. Ech weiss gnau wo s Rite rössli esch. De bronne hani au scho gfonde.

Ech ha hoet s'Mami no me oeberrascht. ech be plötzlich i de Chochi gstande ond be of si zugloefe. Ech ha das em Papi ond e de Grosseltere au muesse zeige. Ech cha jetzt quer dor d'Wohnig laufe. no ned ganz so secher, doch ech wot emmer schneller laufe.

Ech bechome am Morge Bsuech vo de Naomi. Met ehre beni em Zemmer gseh, wo ni omgheiht be. Ech ha mini Lippe ufgschlage ond s'ganze Bodi verbluetet. Sie esch rächt verschrocke. Ech zwar au, doch ech ha denn weder woelle spele. Ech ha den e chli gschloofe. Am Mettag met em Mami gässe ond wieder gschloofe. Denn semer no in Pilatusmärt. Det hemmer chleidli chauft. Ech ha vorhär doerfe met em Mami an en Gäldautomat go Gäld uselo. Das esch neu foer mech gse. Ech ha denn em Mami no s'Brötli wäggässe. Denn hani deheime dosse gässe ond es Babybel gässe näbe Brot, Buchstabesoppe, Schenke ond ond ond. Ech be no e chli bem Grosi go spele gseh. Ech laufe jetzt scho em ganze Land omenand.

Ech be bem Grosi huet. Ech nehme Bauchloetzli ond brenge s'fertig om 4 Stück ufenand zstelle. Ech be ganz en schlaui. Denn essi de ganzi Tag e chli ond ech chome au no es Dessert oeber. mer vergbringid de ganz Nomitag dusse. Ech darf fascht en Stond sändele. De Grosspapi tuet no Rasemeihe. Das hani au muesse gseh. Am Obig esse mer weder dusse. S'Mami ond de Papi goend met mer no go spaziere. Ech darf s'erschte Mol id Rigiblickstrasse ufelaufe. Det gseni Chend am Spele. Ech wet au metmache. Ech be ganz Stolz, dass ech so wit cha laufe.

ech darf am Obig weder ist Babyschwemme. Ech gompe jetzt uf 3 is Becki ine. Doch ech be ganz müed gseh. S'Gotti esch au of Bsuech cho ond mer hend metenand es Poulet gässe.

hoet chond d'Nonna cho luege, dass s'Mami ond de Papi met em Grosi ond em Grosspapi choend zäme ruume. Mer essid denn zäme. Ech chome Härdopfustock ond Vorässe oeber ond Ruebli dezu. Am Nomitag schloofi fel. Am Obig goni met em Mami ond em Papi no is Grotto of Horb. Det lachid mech alli a. Ech chome Teigware oeber ond darf am Tesch met de andere setze. Denn goemmer no i'd Sternwärte. Die hend Fäscht gha. Ech wot grad zoberst ufe ond neme scho am Afang grad en Deckel vom MFT wäg. Denn luegi met em Papi doren Fäldstächer duere. Zu minere Ehre chond de Mond au no voere. Ech zeige dä e allne.

Ech be met em Papi be de grosse Fernrohr gseh. Das hed mer gfalle met dene vele Luet.

Vel Luet begrüssid mech ond ech darf dor das Schulhuus laufe. Ech be denn aber mued ond mer goend hei. Noch enere Stond hani nuemme choenne schloofe. Ech be denn bes am halbi eis wach gseh. Sie hend met mer muesse go autofahre, dass i igschloofe be. Ech ha ganz feschti Zahnschmärze gha ond ha drom lieber gspelt.

Ech esse hoet s'erscht mol eigene Suggo. Mer gseht mer das au a. (de Suggo esch us Tomate vom Garte wo ech letzt Johr fascht no abzerrt hätti)

Mhh, das esch fein gseh.

Ech darf hoet obig met em Papi no in Garte. Ech hab am Nomi scho e chli choenne em Spielplatz bem Altersheim spiele, doch met em Papi darf i jetzt i Garte ond det pflanze mer Oregano und Thymia. Ech darf au es schuefeli nä ond em Dräck omeloche. Nochäne heli no em Grosi bem setze vo Tagetes.

Ech ha hoet de Tag met em Grosi verbrocht. ech wot jetzt de ganz Tag Buechli aluege. Mer send aber be dem schoene Wätter no veruse. Ech ha lang em Sandchaschte gspellt. S'^Grosi hed ned gmerkt, dass ech so viel Sand versteckt ha. S'Mami esch denn ueberrascht worde, wo sie mech uszoge het zom Wendle wächsle. Ech ha onderem Body vel Sand gha ond denn hets no ganz vel Sand e de Wendle denne gha. s'mami hed mi denn grad i Duschi gsteckt. Met em Papi hani denn am Obig no em Mami sini Pneu is Auto brocht.

Ech wott ned schloofe bes s'Mami met mer in Pilatus Märt got. Det schlofi e chli. Ech esse Fesch am Mettag ond Gmues. Am Obig beni met em Papi no chorz go Wasser gä e de Pflanze vom Grosi. Mer send denn is Aquababy gange. Ech ha eigentlich direkt welle is Wasser ond ned warte. Dinne hani planscht. Denn hani no met 1,2 3 en Gomp is Wasser gmacht. De Papi hed mer au a d'Nase blosed ond mer send ganz wenig is Wasser taucht. Ech be denn so mued gseh, dass i ned bes am Schloss doreghalte han. Ech be igschloofe ond ha bes am 6i am Morge gschloofe.

Mer send scho früeh go ichaufe. Ech ha denn em Chenderwage e gueti halbi Stond gschloofe. Denn semmer no go Bluemli chaufe ond au no Chleider. Ech ha alli Luet agstrahled wos umegha hed. deheime hani denn s'erscht Mol doerfe Spargle ässe. Es hed Spargelrisotto gä. D'Spargle send us üsem Garte gseh. De Papi ond de Grosspapi hend denn no s'Hoettli gfleckt ond hend no es neus Tablar em Chäller boued. Am Obig hani met em Mami ond em Papi no gspielt. Sie hend mer es grosses Zält bout.